Ek jun ke murai dishey speeding Thar pra manu ke mari kina Delhi te, mudu bottle paishey gari te

Delhi, 10 August 2025: Ekta high-speed Thar gari pra duita manu ke mari dishey Delhi osor te, tadeh ekta manu ke jaka te murai dishey aro alak ke critical halat te rakhi dishey Sunday din morning te. Mudu bottles khan paishey gari bitor pra, drink-driving case hint kuri shey. Hasta toh high-security zone te hoishey Rashtrapati Bhavan pra khali 2km dur te, 11 Murti jaka osor te. Chanakyapuri police station pra ekta team ahishey jaka te aro 26 saal thar driver ke custody te loishey. Preliminary information hisap pra, victim toh rasta te birai thaki shey kicha speeding thar toh ahi kina taike mari dishey. Tai toh jaka te muri jaishey, aro alak manu toh biya jokom hoi kina ase aro hospital te loi jaishey. Tai echa treatment loi ase. Etu time te, victim laka dead body toh rasta te ghanta karne chari dishey naola agae te. Hatsa hwa jaka pra visual te dikhi paishey gari toh bishi damage hwa, tyre khan olai kina.