SRINAGAR: Saturday te Kashmir toh bishi borop gera nimite desh lag dusra hissa logote milibo napara hoishe. Aerial connectivity bhi valley te disrupt hoi kena ase. Srinagar te etu borop gera nimite life bishi disrupt hoi kena ase.
MeT Department koishe rati te Kashmir laga kunba jaga khan aro valley laga plains khan te moderate borop gerishe.
Officials koishe Srinagar te borop toh 10 inches tok gera record kurishe. Borop toh 8:30 fusur tok gerishe. North Kashmir te famous Gulmarg ski-resort te dui feet tok fresh borop gerishe. Qazigund te 11 inches tok borop gerishe. Kokernag te teen inches tok gerishe, Pahalgam te 16 inches aro kupwara te 17 inches tok gerishe.
Traffic Control Room laga spokesman koishe pahar jaga khan laga jaga te bishi borop gera nimite Srinagar-Jammu National Highway aro dusra rasta links khan bhi bon hoishe.
Tai koishe Mughal Road, Srinagar-Leh National Highway aro Bandipora-Gurez laga rasta bhi borop gera nimite bon hoishe.
Borop gera nimite Srinagar International airport laga air traffic bhi disrupt hoishe.
Airport official koishe borp nimite bhal para sabo napara nimite 9am te land koribo thaka flight bhi cancel hoishe.
Add Comment