Nunez liverpool charishe- dai fan favourite takisena flop, na duita bi?

Portuguese ,10 August 2025: Darwin Nunez tu tai laga Liverpool  finish kori dise aro Saudi Pro League team Al-Hilal logote 3 years laga contract sign kuri dise, aro deal laga value hoise etu tu 53 million euro (£46.3 million) thaki she. Nunez June 2022 te Benfica para Liverpool join kuri lui she aro poisa laga expectation bishi hoi jai she etu karone tai laga performance Benfica te bhal hoi jai she — 2021-22 season te 34 goal Mari she 41 match te. Liverpool te tai laga performance pura bhal nohoi. 143 match te 40 goal mari kena, tai Premier League te bishi games khan  start kura nai aro, last season te Khali 8 game start kori she. Etu ekta moment ase ke fan khan laga dimak te fondly thaki bo — Newcastle, Nottingham Forest aro Brentford logo te last minute laga goal neshe na. Ex-player Jamie Carragher ta ke “Captain Chaos” ko bole ase karone tai laga inconsistency aro komti game start kuri kena buli paise. Liverpool laga coach Arne Slot ta laga work-rate criticize kuri kena aro last season ti tai laga position Liverpool team te weak hoise. Nunez laga transfer fee original £85 million para komti hoise jai , karone tai  laga performance pura expectation meet kura nai. Klopp bolise ke Nunez “work in progress” ase, etu karone tai laga finishing bura thaki she, aro tai laga speed aro physical power bhal ase. Fan logo te tai emotional thaki she, aro etu tu fans khan para yad rakhi. Liverpool tu ekta plan ase Alexander Isak laga sign kuri bole, aro bhal upgrade hobo lay karone . Nunez laga sale hoise etu karone tai Saudi Arabia jai she etu karone tai laga hat te bahal poisa ase. Liverpool fan aro team logo te bhal players lagi bole hope ase.