Cincinnati, 11 August : World number one Aryna Sabalenka 12 break point save kori Saturday din Cincinnati tournament te Czech player Marketa Vondrousova logot laga opening match 7-5, 6-1 te jitise, men’s defending champion Jannik Sinner Colombian qualifier Daniel Galan ke 6-1, 6-1 te easily harai dise.
Sabalenka, juntu first round te bye paise, Wimbledon semifinal te haria piche pora khel nakori thakise aru koise ki itu break tou bhal hoishey, tai strong defensive performance dina Briton Emma Raducanu logot next round te samna koribo laga jagah banai dise.
Raducanu Serbian Olga Danilovic ke 6-3, 6-2 te harai dise, etu tai laga nobo coach Francisco Roig logot first match thakise. Tai summer te confidence build kori thaka performance majote Washington Open semifinal reach kora bhi ase.
Italy laga Sinner, juntu Wimbledon win pora break loi thakise, top form te thakise aru matro charta unforced error di Galan ke 59 minute te finish kori dise. Tai agey match Canadian Gabriel Diallo logot hobo.
Poland laga third seed Iga Swiatek Montreal te early exit pora wapas form te ahishey, first set te dominate korise aru second set te char ta break point save korina Anastasia Potapova ke 6-1, 6-4 te harai dise. Tai agey match Ukraine laga Marta Kostyuk logot hobo, juntu ke tai age te tinibar harai dise.
Australian Open winner Madison Keys Cincinnati campaign shuruwat te tight match kheli, German Eva Lys logot duita match point save kori 1-6, 6-3, 7-6(1) te jitise aru third round te Japan laga Aoi Ito logot kheli bole hobo.
Saturday din agey match te Frenchman Arthur Rinderknech Norwegian 11th seed Casper Ruud ke 6-7(5), 6-4, 6-2 te harai dise, eighth seed Italian Lorenzo Musetti France laga Benjamin Bonzi logot 5-7, 6-4, 7-6(4) te haraise.
Fourth seed Taylor Fritz Centre Court laga last match te American compatriot Emilio Nava ke 6-4, 6-4 te easily haraina, more than 12 ace serve kori, aru Italian Lorenzo Sonego logot next round te kheli bole jagah banai dise.
Add Comment