New Delhi, 11 August : Bollywood superstar Rajesh Khanna pora Malayalam star Mohanlal, duijon bhi theatre te haafta pora haafta dominate kori thakise. Tai laga film khan 25 pora 40 haafta karney theatre te choli thakise. Kintu ekjon superstar ase juntu laga 9 film 25 haafta karney theatre te choli thakise.
Indian box office te bishi din dhuri, aru ekbar nohoi bar bar rule koria pichete, tai laga naam Guinness Book of World Records te register hoise. Apuni jodi najane, tou itu superstar hobo Marathi cinema laga “uncrowned king” Dada Kondke.
Tai laga Pandu Havaldar, Andhala Marto Dola, Ram Ram Gangaram, aru Bot Lavin Tithe Gudgulya nisina film khan tai ke Marathi cinema laga real raja banaidise. Tai laga 9 film theatre te 25 haafta hit thakise, aru etu karone tai laga naam Guinness Book of World Records te uthai dise.
Dada laga film khan double-meaning dialogue aru bold title pora famous thakise, juntu majot Andheri Raat Mein, Diya Tere Haath Mein aru Khol De Meri Jubaan bhi ase. Eitu title aru dialogue censor board karone challenge hoijai thakise, kintu Dada laga chalaki aru political influence karone tai laga film khan ban huanai.
Tai Marathi, Hindi aru Gujarati film bhi banai thakise. Tai laga production company Kamakshi Productions, Usha Chavan, Mahendra Kapoor aru Ram-Lakshman nisina actor logot bisi hit film dise.
Add Comment