August 11, 2025, 05:41 PM: Har Ghar Tiranga, Har Ghar Swachhata, campaign Kohima division para District Administration Tseminyu, Kithagha Students Union aru Tseminyu Green District Initiative khan logotey collaborate kuri kena, ekta clean-up aru plastic waste segregation drive organize kurishey, Chunlika block PWMU tey, 9th August, 2025 tey, KSU, KS & PA building Chunlika tey para.
Itu program toh hoiley, Tseminyu Green District Initiatives laga Convenor & ADC – Kikumsangla Jamir para tatey special guest hisap buhi kena grace kuria laga thakishey.
Tai laga keynote address tey, tai para state kurishey ki, Har Ghar Tiranga, Har Ghar Swachhata toh hoiley ekta joint initiative asey, itu Drinking Water & Sanitation laga department, Jal Shakti laga Ministry aru Culture laga Ministry laga, itu 79th Independence Day celebration laga part thaki kena.
Itu campaign para patriotism laga spirit blend kuriboley aim kuria laga thakishey, community ke saafa rakhiboley laga action kuri kena. Tai para bosti laga leader khan ke, council khan aru student khan ke plastic waste komti kuriboley laga habit adopt kuriboley urge kurishey.
Itu Tseminyu Green District Initiative khan laga vision ke appreciate kuri kena, tai para alag district khan nimitey bhi akha thaka laga express kurishey, itu para model toh replicate kuriboley state bhitor tey.
Add Comment