Shillong, 12 August : Rangdajied United FC ek goal te piche para defending champion NorthEast United FC ke lead loi thakise, kintu Highlanders bi bhal khel para second half te ekta goal kori 2-2 draw te match khotom korise, itu laga last Group E match te 134th IndianOil Durand Cup laga, Jawaharlal Nehru Stadium te. Bekey Oram laga early penalty Manbhakupar Iawphniaw cancel kori dise, aru halftime age Danzel Umdor Rangdajied ke lead te loi dise. Second half te Jairo laga bhal coordinate strike NorthEast United FC ke unbeaten rakhi dise quarterfinal te jabole, aru Rangdajied bi laga campaign ekta spirited display aru tournament te laga first point loina khotom korise.
Quarterfinal laga jagah already confirm kori lua karone, NEUFC laga head coach Juan Pedro Benali lineup te dangor change anise — dus players rotate kori dise aru midfield te sirf Jose Nunez ke rakhi dise 4-3-3 formation te. Striker Alaaeddine Ajaraie form te thaka nohoile, Parthib Gogoi attack lead korise, aru side te Thoi Singh aru Spanish player Jairo thakise.
Rangdajied laga head coach Aiborlang Khongjee bi Malaysian Armed Forces logot laga loss pora six new players anise aru same 4-3-3 te set up korise. Manbhakupar attack lead korise, aru wing te Everson aru Pasborlang thakise, skipper Balamlynti full-back te aru Meshan Sumer goalkeeper hisab te khelise.
Draw para Rangdajied first aru only point pai dise itu campaign te, aru Highlanders bi unbeaten thaki quarterfinal te jabole taiyar hoise.
Add Comment