Manipur, 12 August : Manipur Police Tuesday din ekta official statement te confirm korise ki taikan laga paanch jon personnel, inspector loge milai, grave misconduct, duty nokoribo aru police officer hisab te fit nohoi ajiya conduct karone suspend kori dise.
Inspector Ningthoujam Devdas Singh, juntu Imphal East laga Commando Unit laga officer-in-charge ase, Director General of Police Rajiv Singh laga order te immediate effect pora suspend kora hoise. Suspension period te tai laga headquarters hobo Superintendent of Police, Imphal East laga office te, aru competent authority laga permission nohoile bahar jabo nokoribo pare. Service rules hisab te tai subsistence allowance pabo.
Aru char jon officer bhi suspend kora hoise — Sub Inspector B Debson Singh aru Constable Tarique Aziz (Imphal East commando unit pora), Head Constable Md Rakib (Thoubal commando unit pora), aru Jemadar Md Amin Shah (7th Battalion of Manipur Rifles, Khabeisoi, Imphal East pora). Pratek officer karone alag-alag order issue kora hoise.
Police statement te misconduct laga details specify nakorile bhi, case te familiar thaka officials koi dise ki itu suspension drug peddler release koribole bribe loi diya allegation logot link ase, juntu narcotics loge dhora jaise. Sub Inspector Debson Singh, juntu suspend hoise, 2013 te bhi arrest kora hoise drug worth ₹3 crore Moreh, Tengnoupal district loi jabole allegation karone.
Senior officials koi dise ki itu suspension hoise state police force te corruption aru indiscipline khotom koribole zero-tolerance approach laga hissa.
Add Comment