Imphal, August 13, 2025: Manipur Police khan toh Local bosti manu khan logote mili kina operation kurishe koishe. Aru taikhan Churachandpur District laga Jongol te. Assam te thakhea manu Dugdha Hazarika (37) toh muri kina paishe koishe. Hazarika toh Duita week nishina hari kina thakhishe koishe.
Etu manu toh Kaam kurea manu ase koishe. Aru tai toh Bharat Infra Private Limited bitor te kaam kurea ase koishe. Aru etea National Highway 102 te kaam kuri thakhishe koishe. Tai laga body toh Suahzahau aru Zabellei laga Bosti majote paishe koishe. Aru etu toh Singngat Police Station para 17 kilometre dur nishina ase koishe.
Local khan body toh pai kina Police khan ke alert kurishe koishe. Aru police aru Local manu khan mili kina aru bisarishe koishe. Etu body toh Tuesday din te paishe koishe. Aru Hazarika laga Body toh Churachandpur District Hospital te pathai dishe koishe. Yete Examination khan bi kuribole nimete. Aru etea tai kinaki murishe janibole karne. Investigation khan bi suru kurishe koishe.
Add Comment