London, 13 August 2025: Hollywood laka legend Daniel Day-Lewis 8 sal laka break pora screen te wapas ahishe. Tai laka notun drama Anemone laka prothom look, jun ta laka bacha Ronan Day-Lewis (tai laka beta) direct aru co-write kori ase, etia public te release hoishe aru fans aru movie lover khan bishi excited hoishe.
Ekta family story aru emotional connection. Anemone Daniel Day-Lewis laga wapas ahibole mark kore, jun 2017 laka Phantom Thread pora tai laka last film ase, aru etu bhi ekta personal kaam karne mark kore, kintu father aru son laka collaboration karone special hoishe. Ronan etu film te directorial debut kori ase aru tai laka father logot script bhi likhi dishe.
Story te ki ase? Etu movie Northern England te set kora ase, jun ekta family drama ase, doita bhai laka story , jun khan past te ekta bishi duk dia experience share kori ase. Daniel Day-Lewis ekta reclusive hermit (ekjon ekela thaka manuh) role play kori ase, jun forest te thake. Sean Bean tai laka bhai role play kori ase, jun suburb pora tai logot milibole ahishe. Duita bhai laka relation trauma aru family legacy pora affected hoishe. Cast te aru ase Samantha Morton, Samuel Bottomley, aru Safia Oakley-Green.
Festival aru release plan: Anemone laka world premiere 63rd New York Film Festival te Spotlight section te hobo, 26 September 2025 pora shuru hobo. U.S. te limited theatrical release 3 October pora hobo, aru 10 October pora aru beshi cinema hall te release hobo.
Kile important ase: Daniel Day-Lewis tai laka deep acting style aru kom kom film kora karone famous ase. Tai etu wapas ahi laka, especially ekta personal father-son project te, modern cinema te ekta bishi dangor moment ase.
Add Comment