West Indies para first ODI series jit loise

Trinidad, 14 August : Shai Hope laga not-out century aru Jayden Seales laga six-fer West Indies ke 1991 pichete Pakistan upor te prothom series jit dibole help korise, juntu Brian Lara Cricket Stadium te last ODI te dangor 202-run laga jit te ahise.

Hope front te thaki not-out 120 run mari West Indies ke 294/6 score koribole help korise aru pacer Seales six wicket loina Pakistan ke sirf 92 run te out kori dibole parishey, aru home side ke 1991 November piche prothom bar 2-1 series jit dibole confirm korise.

Hope laga 18 century take former great Desmond Haynes (17) pichete charise, aru West Indies men’s ODI te sabse besi century mari thaka list te third place te loi jaise — etia take age sirf Chris Gayle (25) aru Brian Lara (19) ase.

Pakistan toss jitise aru prothom bowling loishey, aru sirf 15 ball te prothom wicket loi jise jetiya Naseem Shah Brandon King ke 5 run te out korise. Evin Lewis (37) aru Keacy Carty (17) second wicket te 47 run partnership banai dise, kintu 14 over te Abrar Lewis ke out korise.

Hope, jun no.4 te ahise, laga 18th ODI century mari aru not-out thaki pura innings sambhali dise. Tai Sherfane Rutherford (15) logot 45-run partnership aru Roston Chase (36) logot 64-run partnership banai dise.

Justin Greaves (43 not-out) 41.5 overs te West Indies 184-6 thaka time te ahise aru skipper Hope logot milik 110-run not-out century stand banai dise, jun game ke complete change kori dise.

West Indies last 10 overs te dangor 119 run mari dise, 11 fours aru 5 sixes maarik, jun three-match series te sabse dangor team total hoise. Pakistan laga taraf te Naseem aru Abrar duita wicket loi jise, aru Saim aru Nawaz ekta wicket loi jaise.

294 target chase kori thaka Pakistan 29.2 overs te sirf 92 run te out hoise. Seales laga 6-18 bowling figure (sirf 7.2 overs te) — West Indies laga ODI history te third best aru Pakistan upor te best bowling figure hoise — jun te sensational four-wicket new-ball spell include thakise, jun te visitors ke 8.2 overs te 23-4 te ghusai dise.

Agey te 11.1 overs te Salman Ali Agha (30) aru Hasan Nawaz (13) olob innings sambhali thakise, kintu Gudakesh Motie Hasan Nawaz ke stumped korina floodgates khuli dise. 19.3 overs te Pakistan 61-5 thaka pora, agey te 10.1 overs te 5 wicket girina sirf 31 run te end korise.