Cincinnati, 14 August : Carlos Alcaraz Hamad Medjedovic ke 6-4, 6-4 te harai, Cincinnati Open te season laga 50th win loi loise.
Ohio laga gorom te calm thaki, Alcaraz laga etu win tai laga 13th consecutive Masters 1000 victory hoise aru ATP Masters 1000 event laga fourth round te entry dibo paraise. Match laga surute dujon te dangor competition hoise, kintu 3-3 te Medjedovic serve koribo time te momentum clear Alcaraz taraf te jabo laga hoise. Serbian player tinita break point bachaise, kintu fourth te double fault di opponent ke breakthrough dise.
First set laga sesh te Medjedovic neck pain karone physio laga treatment loi, aru second set te gorom te rally choto koribole aggressive play korise. Tai ekbar break reclaim kori 3-3 te pounchise aru overall Alcaraz pora besi — 25 winners vs 16 — mari dise, kintu etu style inconsistent thaka karone Spaniard upor te advantage lobo parianai.
Medjedovic consecutive drop shot net te mari 4-3 te Alcaraz ke aru ekta break dise, aru etu bar Spaniard lead chari dibi nai. 95-minute laga match te Alcaraz tinita break convert kori (7 te 3) win confirm korise, ATP report korise. Monte-Carlo aru Rome title already jiti thaka Alcaraz etia Luca Nardi logot face koribo Cincinnati te, tai laga eighth Masters 1000 trophy target kori.
Dusra match te, ninth seed Andrey Rublev dangor 3 ghonta 30 minute laga marathon match te 21st seed Alexei Popyrin ke 6-7(5), 7-6(5), 7-5 te haraina, ATP head-to-head series 2-2 te equal kori dise. Francisco Comesano aru Reilly Opelka laga mid-day match gorom te chalibo time te 45 minute rain delay hoise, juntu te Argentine player 6-7(4/7), 6-4, 7-5 te jit dise aru tinita match point save kori loise.
Women’s section te, second seed Coco Gauff fourth round te ahise jetiya opponent Dayana Yastremska Tuesday laga scheduled match agey withdraw korise. American player, jun 2023 Cincinnati title aru US Open crown jiti thakise, next round te Jelena Ostapenko (former Roland Garros champion) aru Italian Lucia Bronzetti laga winner logot face koribo. WTA laga kotha hisab te, Yastremska illness karone khelibo parianai.
Seventh seed Jasmine Paolini, jun pichla season Roland Garros aru Wimbledon finalist hoise, American Ashlyn Krueger ke 7-6(7/2), 6-1 te harai loise. German qualifier Ella Seidel strong performance continue kori McCartney Kessler ke 6-4, 2-6, 7-6(8/6) te haraise. Two-time Grand Slam champion Barbora Krejcikova American Iva Jovic ke 6-4, 3-6, 6-2 te parise.
Add Comment