Cincinnati, 15 August : Defending champion Jannik Sinner, Aryna Sabalenka aru Carlos Alcaraz, Cincinnati Open laga quarterfinal te reach kori luse.
Sinner Mannarino ke 6-4, 7-6 (7/4) te harai luse, tin ghonta laga rain delay pichete bhi jeet confirm kori, nijor 24th consecutive hardcourt win record barai dise. Tai next Canada laga Felix Auger-Aliassime logot kheliboley. Sabalenka Jessica Bouzas Maneiro ke 6-1, 7-5 te harai, aru etia Rybakina logot mukabla koribo.
Alcaraz Italian Luca Nardi ke 6-1, 6-4 te harai luse, dusra set te ek bar pichete bhi wapas agey te jeet luse. French qualifier Terence Atmane dangor upset di 4th seed Taylor Fritz ke 3-6, 7-5, 6-3 te harai luse, aru Holger Rune logot khelibo.
Men’s third seed Alexander Zverev duibar court te uthi fast win loi quarters te pahunjishey. Ben Shelton aru women’s third seed Iga Swiatek bhi quarterfinal te uthise — Swiatek etia Anna Kalinskaya logot khelibo.
Add Comment