Srinagar, 15 August : Agey Khelo India Water Sports Festival laga organisers Thursday din Srinagar te announce kori dise ki Himalayan Kingfisher hobo etu games laga mascot. Etu festival August 21-23 te iconic Dal Lake te hobo.
Water sports festival etu Khelo India calendar laga ekta navo addition. Etia agey te, agey Khelo India Beach Games May mahina te Diu te hoise. KIWSF, J&K Sports Council aru Union Ministry of Youth Affairs and Sports, Sports Authority of India logot milikina host kori ase.
Jammu aru Kashmir karone, etu dusra Khelo India event hobo — agote March mahina te Gulmarg te Khelo India Winter Games laga snow events host kori thakise. KIWSF te rowing, canoeing aru kayaking medal events hobo, aru demonstration events te water skiing, shikara race aru dragon boat race thakibo. 36 ta state aru Union Territory para 400 pora besi athletes Srinagar ahibole expect kori ase.
Add Comment