New york, 15 August 2025: Rachel Brosnahan aro tai laga Superman co-star David Corenswet laga relationship biya hoi jai she speculation laga upor te uthi jai kena aro ekta behind-the-scenes video te dekhai thaki she ke director para “cut” koi dise ke dujon tu continue kuri kena kiss kuri thaki she. Etu gossip tu aro bishi spread hoi jai she aro Rachel laga husband, actor Jason Ralph, ekta fan laga Instagram comment te “like” kuri dise aro comment te Rachel laga upor te David logo te affair ase koi kena accuse kuri she . Etu comment te bhi likhi kena thaki she ke Jason tu “nijor karone stand up” lui, kena aro tai laga co-star ke bhal pai kena, tai ke chari debo lae lage.
Reply no hoile ignore kuri bole parile bhi, Jason tu etu remark ke like kuri dise aro, piche te tai laga post te comments off bhi kuri dise. Etu interaction laga screenshot X (age Twitter) te spread hoi jai kena, aro manu khan laga reaction mixed hoise — etu manu Jason laga behavior ke ajeeb aro unprofessional koi dise, aro etu manu tai ke defend kuri thaki she koi she maybe tai commenter te mock kuri thaki she.
Rachel aro Jason 2013 te I’m Obsessed With You: But You’ve Got To Leave Me Alone film kuri thaka time te first time meet hoise aro tai jun married bhi kura tu bishi sal hoi she , puila 2019 te public confirm kuri dise. Jason, Rachel logo te The Marvelous Mrs. Maisel te opposite act kuri dise.
David Corenswet, 32 bosor, Julia Warner logo te biya kuri ase aro 2024 te ekjon daughter bhi pai dise. Rachel, 35 years laga, James Gunn laga DC Universe Superman reboot te Lois Lane role kuri ase, aro tate David laga Clark Kent opposite te ase. Tai dujon laga onscreen chemistry ke critics aro audience dui jun ke praise kuri dise, aro etu romantic scene khan karone gossip khan bhi bishi wala uthi jai she.
Film tu Nicholas Hoult, Edi Gathegi, Anthony Carrigan, Nathan Fillion, aro Isabela Merced bhi star kuri ase. Rachel, Jason, aro tai jun bhi public te etu rumor laga upor te bhi eku koi dia nai, aro fans khan tu nijor para off-screen relationship laga truth upor te speculate kuri de ase.
Add Comment