USA, 16 August : World champion GM D Gukesh sixth place te tie finish kurise, USA laga Levon Aronian clear win loi St. Louis Rapid aru Blitz event St. Louis (USA) te jeet kurise. Gukesh last din te comeback kuribole try kurithakise aru first charita game pora 3.5 point loi thakise.
First game te Aronian logot draw kuria pichete, Indian player America laga Shankland aru Wesley So, aru Uzbekistan laga Grandmaster Nodirbek Abdusattorov ke haraidise, kintu etupari momentum lose kuridise.
Last paanchta game te Gukesh tinta draw aru duita har kuripiche, aru total 18 points loi campaign finish kurise.
Aronian duita point lead pora din shuru kurise, aru duita round baki thaka time te he event clinch kurise, total 24.5 points loi. USA laga Fabiano Caruana distant second te finish kurise 21.5 points loi, aru Frenchman Maxime Vachier-Lagrave 21 point loi third te ahise.
Abdusattorov fourth te 20.5 points loina finish kurise, Wesley So 19 points loina fifth te, aru Gukesh aru Vietnam laga Liem Le Quang ke uporte ase.
Aronian laga etu second consecutive title ase, kintu recent Las Vegas te Freestyle Grand Slam bhi easily jeet kurithakise. Winner USD 40,000 pai thakise, total prize pool USD 175,000 pora.
Gukesh etiya next event uporte focus kuribo – Sinquefield Cup, juntu duidin pichete start hobo aru Grand Chess Tour laga final age laga last event ase. Tai laga sathi R Praggnanandhaa bhi join kuribo.Sinquefield Cup Classical chess rules te hobo, juntu Gukesh laga forte ase.
Add Comment