Birmingham, 16 August : Newcastle ekta dangor problem face korise juntu Alexander Isak bina khelibo lage, taikan Aston Villa laga ghar te Premier League laga opening match te 0-0 draw kori dia karone, jodi Villa laga defender Ezri Konsa red card paise Anthony Gordon logot foul maria karone second half majote. Newcastle taikan itu advantage uthai bole bhi parianai, aru taikan laga kharap khel kotha clear kori dise ki taikan itia bhi Isak dhori rakhibole desperate ase.
Swedish striker Isak itu match te Villa logot khelanai, reportedly taikan club ke koi dise ki lobi Liverpool join kuribo, juntu Premier League champion ase. 25 saal laga Isak, August shuru te Liverpool laga £110 million ($149 million) bid reject korise. Taikan last season te Newcastle ke Champions League qualify kuribo te aru 56 saal laga trophy drought todibo te dangor role play korise. Report hisab te Isak train aru play kuribo bhi refuse kurise, jate ki forced move kuribo paribo club chari kena, juntu taikan 2022 te Real Sociedad pora join kori thakise. Newcastle laga pre-season tour te bhi participate nakurina, taikan former club Sociedad te alag pora train kurise.
Isak laga contract te tinta saal baki ase, aru taikan penalty pay kuribo expect kora jabo karon itu weekend laga competitive match miss kora karone. Gordon striker hisab te line lead kurise Isak absent thakise, juntu taikan laga normal position nohoi. Anthony Elanga Newcastle debut kurise juntu £55 million ($74 million) pora Nottingham Forest pora aaisey, aru Malick Thiaw, juntu defender ase AC Milan pora aaisey, substitute te thakise. Isak bina attack drive kuribo, Newcastle taikan laga dominance ke goal te convert kuribo parinai, aru manager Eddie Howe dangor asha kori ase ki itu transfer saga September te window close hua age settle hoijabo.
Add Comment