US, 17 August 2025: World No. 1 Jannik Sinner aro rival Carlos Alcaraz tai jun para aro ekta blockbuster final match tu set kuri she , Cincinnati Open laga semifinal match te August 16, 2025 te straight-set jiti kene. Dui jun etu season te four times final te meet kuri she, previous clash tu Rome, Roland Garros aro Wimbledon te, aro last time All England Club te Sinner jeeti she. Defending champion Sinner, tu tai laga 24th birthday celebrate kuri thaki she, qualifier Terence Atmane laga fairytale run ke end kuri dise 7-6(7/4), 6-2 te. Atmane, tu rank 136 ase, match suru na hoa agae te Sinner ke ekta Pokémon card gift dise, hoilae bhi tai ke court te trouble de bole para nai. Sinner serve te dominate kuri dise, first set te tight to break te hold strong kuri dise, aro second set te dui bar break kuri kene match close kuri dise. Tai tu etiya tak bhi etu week te ekta set drop kuri bole baki ase aro etiya tu tai laga aim tu tai he first man hobo lae, since Roger Federer (2014-15) tu consecutive Cincinnati title jiti she. Taike top ranking laga pressure thaki bole koise, aro tai laga experience aro focus karone progress hoise buli credit dise.
Dusra semifinal te, second seed Alcaraz Alexander Zverev ke 6-4, 6-3 te harai dise. Zverev, tu heat aro tai laga diabetes condition karone struggle kuri thaki she, second set te medical timeout lo bole bhi prai she hoilae bhi fight kuri she. Alcaraz, tu form olop patchy thaki she aro ekta game te four times double fault bhi kuri she, hoilae bhu last 12 points sweep kuti kena win seal kuri dise. Spanish Alcaraz ta laga ATP-leading tally 53 wins etiya season te extend kuri dise ari etiya ta laga second Cincinnati final hobo, 2023 te Djokovic karone hari thaka piche te. Alcaraz Sinner logo te aro ekbar showdown hobo Karone excited ase buli koise, aro tai laga rivalry dui jun ke biya laga ekta dangor level te uthai thake bole karone acknowledge kuri she. Taike Monday te final US Open na hoa agae te he bishi ready thaki bhi koi kena vow kuri dise.
Add Comment