Jasprit Bumrah para inform kurise selector khan ke dai available ase Asia Cup karone

New Delhi, 17 August 2025: India laga star fast bowler Jasprit Bumrah ke Test squad para release kuri dise fifth aro last match, Anderson-Tendulkar Trophy The Oval te, etu tu workload management karone ase . Bumrah 3 Test kheli thaki she, duita five-wicket hoa laga bhi loi thaki she aro ekjun para 119 over bowli dise. Taike second Test Edgbaston te rest dise, aro Headingley, Lord’s aro Old Trafford te kheli thaki she. Test para rest loile bhi, Bumrah nijor ke upcoming Asia Cup Dubai te available banai dise. Source para janai de she ke, Bumrah selectors logo te bhi bishi din agae te kotha kuri thaki she aro taike ready ase koi kena inform kuri dise. Senior selection committee, Ajit Agarkar laga headship te, August 19 Mumbai te 15-member squad select kuri bole meeting bhi lui she. Asia Cup September 9 para 28 tak UAE te T20 format te kheli bo. England te last Test kheli thaka para, Asia Cup start ho bole laga etu majo te Bumrah ke motamoti 40 days rest pabo. T20 format te bishi lamba spell bowli bhi na lagibo , taike rotation bhi kura pare. Bumrah laga last T20I appearance hoise 2024 World Cup final te, juntu South Africa against Bridgetown te kheli thaki she. India 7 run para jiti thaki she, aro Bumrah 2 wicket 18 run te loi thaki she. India laga team early UAE jabo Asia Cup karone. Team management Bengaluru te short camp rakhi bole interest dikhai nai, ulta UAE te 3-4 din agae te jaibo boli decide kuri dise jate players khan local condition te practice aro adjust kuri bo pare.