Los Angeles, 17 august 2025: Famous filmmaker Quentin Tarantino janai dishe kene kaaran karone tai decide nokorile sequel direct nokoribo lage tae laka famous film once upon a time in hollywood. ekta latest kotha batot, Tarantino koi dishe jodiho tai script bishi bhal paishe, kintu tai moi jaga te agote walk kori ase taike repeat kori bole moi interest hari jaishe. Tai koi dishe, “i love this script, kintu moi same ground te jabo, aru eta bhi moi khushi nokori.” tai koi dishe ke tai laka energy notun aru alag kaam te use koribo lage, karone tai laka final film plan kori ase. Project cancel nokori, tarantino director chair hand over kori dishe David Fincher ke, juntu ke tai kobi dishe “best director working today.” Tai bhi kobi dishe ke Tarantino aru Fincher “duijon best director.” etu dekha dishe ki Tarantino Fincher laka style aru vision ke bishi respect kori. Tai koi dishe etu right decision ase, karone Fincher truly tai laka kaam adapt kori bole interest rakhe aru nijor perspective anibo paribo. Sequel, title the adventures of cliff booth, etia aru bhi Brad Pitt Cliff booth laka role ke feature koribo. etu film fincher laka direction te production shuru hoishe aru worldwide netflix te release koribo. Tarantino bhi share kori dishe ke tai aru ekta script likhi thakishe, title the movie critic, jun “spiritual sequel” 1977 Los Angeles te set kurishe. Kintu tai etu bhi drop kori dishe, koi dishe creative spark eku thaka nai. Fans etia eagerly wait kori ase Tarantino laka final cinematic project karone.
March 11, 2026
World's First and Only Nagamese Newspaper
Add Comment