New Delhi, 18 August : Ityadi film sob theatre te chola thaki ase aru box office te compete kurithaki ase. Weekend laga advantage loikena, Hrithik Roshan laga War 2, Rajinikanth laga Coolie aru animated film Mahavatar Narasimha August 17 te dangor amount earn kurise.
Hrithik Roshan aru South actor Jr NTR laga film War 2 Sunday te 4 din complete kurise theatre te. Itu film 4th day te Rs 31.3 crore collect kurise. Tai laga total collection ahibole Rs 173.91 crore reach kurise. Media report hisab te War 2 laga budget ase Rs 400 crore. Itu hisab te, sirf kisu din te he film tai laga budget laga half te punchi jaise.
South Superstar Rajinikanth laga film Coolie shuru pora he audience majote dangor craze create kurithakise. Itu film Sunday te, mane 4th day, Rs 34 crore earn kurise. Earnings hisab te, itu War 2 ke cross kurise. Tai laga total collection ahibole Rs 198.25 crore reach kurise. Itu Rajinikanth laga film Rs 350 crore te banai dise aru budget laga half pora bhi bishi recover kuriloise.
Add Comment