Kazakhstan, 19 August : India laga Girish Gupta gold jeeti lobo 10m air pistol men youth event te, 16th Asian Shooting Championship, Shymkent, Kazakhstan te. 17 saal laga Girish final te 241.3 shoot kori thakise, aru itu para 14 saal laga Dev Pratap, jun 238.6 score kori silver loi thakise, ke pichhi te chari dise. India Day One finish kori thakise duita gold aru tinta silver medal loina. Kapil Bainsla junior men’s air pistol te gold loi thakise, aru senior aru junior men’s team khan silver medal pai thakise.
Agey te, Kapil Bainsla, Palwal, Haryana para, India nimite event laga agey gold jeeti thakise, 10m air pistol men junior final te 243.0 shoot kori, Uzbekistan laga Ilkhombek Obidjonov ke 0.6 point difference te second te chari dise. Kapil laga sathi Jonathan Gavin Antony 220.7 score kori bronze loi thakise. Kapil aru Jonathan, Vijay Tomar logot milaina, team silver loi thakise 1723 total score loise. Korea gold loi thakise 1734 score Logot aru host Kazakhstan bronze loi thakise. Senior men’s event te Anmol Jain, Aditya Malra aru Saurabh Chaudhary team silver loi thakise 1735 total score loi.
Asian Shooting Championship laga Day 2 te aji women’s air pistol final alag-alag category te hobo.
Add Comment