Switzerland, 19 August : World champion aru duita Olympic medal jeeti thaka Neeraj Chopra official bhabe qualify kori lobo 2025 Diamond League Final nimite, jun Zurich, Switzerland te 27 aru 28 tarik te hobo.
Silesia laga leg skip kori thaka bhi, Chopra laga agey performance khan season te bhal thaka karone qualification confirm hoijabo. Matro duita appearance para 15 points collect kori, latest standings (Silesia leg pora Saturday te release kora) hisab te men’s javelin throw final laga top contender list te join kori lobo.
Chopra Paris leg te 88.16m throw kori jeeti thakise aru Doha te 90.23m throw kori new national record set kori thakise, kutey second finish kori thakise Germany laga Julian Weber laga pichete. Chopra aru Weber duijon laga 15 points ase, kintu Trinidad and Tobago laga Keshorn Walcott, jun 3 event te 17 points loi thakise, standings te top ase.
Etu majote, Anderson Peters aru Luiz Mauricio Da Silva nisina dangor athlete khan bhi final nimite qualify kori bole thakise. Chopra agey te 2022 te Diamond League title jeeti thakise, aru 2023 aru 2024 te runner-up finish kori thakise. Kintu Zurich Diamond League Final te participate koribo naki, itu to aji tak confirm nakori.
Add Comment