J&K, 21 August : Jammu & Kashmir te tinidin laga Khelo India Water Sports Festival aji pora shuru hoise aru Saturday, August 23 tak iconic Dal Lake, Srinagar te cholibo. Itu event J&K laga culture aru ecology celebrate kuribole karone organize kora hoise. Festival laga Mascot Himalayan Kingfisher pora inspire kora ase, juntu adventure, energy aru nature logot deep connection reflect kore.
36 state aru union territory pora besi 500 athletes rowing, canoeing aru kayaking nisina competitive sports te participate kuribo. Etu laga side event hisab te demonstration sports bhi thakibo — jaise water skiing, dragon boat aru Shikara race. Festival ke Sports Authority of India aru J&K Sports Council milaike organize kora ase, juntu government laga ‘Khelo Bharat’ policy laga ekta hissa ase — grassroots sports promote kora, livelihood generate kora aru local infrastructure rejuvenate kuribole karone.
Festival economic benefit bhi anibole expect kora hoise — athletes aru coaches nishina lok khan nohoi kintu shikara owners, houseboat operators aru tourism ecosystem overall ke bhi. Aji evening te SKICC Srinagar te inaugural ceremony grace kuribo karone Union Minister of State for Youth Affairs Raksha Nikhil Khadse, Lieutenant Governor Manoj Sinha aru CM Omar Abdullah thakibo.
Add Comment