Second Test laga fourth day te South Africa pora 41 runs jolti pora pakistan logote nine-wickets pora Newlands te jitise. . Opener Dean Elgar pora 24 score loi kena tai khan laga home side karne Pretoria te jowa mohoina jitise aro Johannesburg laga Wanderers te friday pora shuru korkena third match jitibo karne sai ase.
Proteas khan toh mon duk ase kile koile, tai kahan laga opener Aiden Markram second innings te theng te
Jokom biya pora paise aro Hashim Amla toh haat te jokom powa pora khelibo nabaribo koise. Etu ke mila kena tai khan laga middle-order batsmat Theunis de Bruyn Makram laga jakka te khela toh biya pora kheli se. Tai laga wicket toh wicketkeeper Sarfraz Ahmed pora korise.
Shan Masood, Asad Shafiq aro Babar Azam pora half centuries score kori kena Pakistan khan laga besi bhal din thakise aro innings te 200 runs laga opor te powa toh series te first time ase. Hoilebi 294 runs te tai khan out hoise aro tai khan laga oppponent karne araam target hoi jaise.
Pakistan pora first innings te 177 score korise hoilebi South Africa laga captain Faf du Plessis pora 103 score kori kena, 431 score pora jawab dise.
Add Comment