Los Angeles, 22 August 2025: Hollywood laga star Margot Robbie, tu Barbie film para bishi famous hoi jai she, aru bishi kushi para motherhood accept kuri she, etu karone tai laga first baby, son aru husband Tom Ackerley logo te, October te welcome kuri she. 2016 para tai jun tu shadi kuri kena thaka laga couple tu tai laga baby laga details, name khan bhi, private rakhi thake she aru family laga hisap te mili kina time enjoy kuri thake she. Robbie, 35 years old, motherhood ke describe kuri se “the best” buli, aru koi she ke moi khan laga experience tu explain kuri bole bishi duk ase especially bacha na thaka manu khan , hoilae bhi parent thaka manu khan tu automatically buji jai.
Ekta source para reveal kuri she ke Robbie aru Ackerley tu bishi din para wait kuri thaki she pregnancy karone, aru jetiya baby ahi she, etu time te tu almost unbelievable thaki she. Since, tai jun bhi homebody thaka karone, tai laga bacha logo te ghor te chup chap time spend kuri thaka tu bishi special thaki she.
Robbie tu pula te tai nijor ke “ultimate single girl” koi thaki she, hoilae bhi acknowledge kuri thaki she ke Ackerley (ekjun film producer aru tai laga old friend) logot relationship suru hoa para tai laga pura thinking tu change hoi jai she. Vogue logo te khota kuri thaka time te Robbie share kuri she, ke tai first te tu tai nijor laga feelings tu lokai thaki she , kelae koi lae tu tai bhabi thaki she ke Ackerley tu tai ke kushi na pai pare koi kena. Hoilae bhi tai jun laga friendship tu astay astay para love te convert hoi jai she aru enika kuri kena tai jun laga relation tu marriage te lui jai she.
Career side te sai she koi lae tu, Robbie para first start kura tu Pan Am TV series lead kuri thaki she, aru tai laga breakthrough tu Martin Scorsese laga thaki she The Wolf of Wall Street (2013) te ahi she. Tai The Legend of Tarzan te Jane Porter role play kuri kena, aru DC film Suicide Squad (2016) te Harley Quinn hisap te worldwide fame pai she. I, Tonya (2017) film te Tonya Harding role play kuri kena tai tu Oscar Best Actress nomination bhi pai she. Latest Barbie film bhi Oscar Best Picture nomination pai she.
Etiya tu, Robbie tu top Hollywood actress ekala na hoi kena ekta new mom bhi hoi jai she, aru tai laga career aru family life duita ke balance kuri thaka tu tai laga journey ke bishi inspiring bana de she.
Add Comment