Asian Shooting : Indian Olympian Valarivan, 10m Air Pistol te gold jitishey

Kazakhstan, 22 August : Indian Olympian Elavenil Valarivan laga dangor form continue kori ase, tai women’s 10m air rifle competition te gold medal jiti loise 16th Asian Shooting Championships, Shymkent, Kazakhstan te. Itu laga jeet tai laga second consecutive individual medal hoise continental event te, karon 2024 Asian Championships Jakarta te tai silver medal bhi jiti thakise. 26 saal laga Tamil Nadu te thaka tai final te dangor composure dekhai, 253.6 points score kori top spot secure kori loise. Itu dangor score ekta notun national record banai dise aru tai laga consistent excellence global stage te prove kori dise. Tai laga pichhete podium te ase Peng Xinlu (China) silver medal loise, aru Kwon Eun-ji (South Korea) bronze medal loise.