Bulgaria, 22 August : India U20 World Wrestling Championships 2025, Bulgaria te aru duita medal add kori loise, juntu te Reena aru Priya Malik taikhan laga category te kalike silver medal jiti loise.
Women’s 55kg category te Reena final match te US laga Everest Leydecker logot 2-10 harai karone silver te satisfy kori loise.
76kg category te Priya Malik bhi title match te Ukraine laga Nadia Sokolovska logot fall dwara haria karone silver loise. Haria para dujon wrestler dangor performance dikhaina India karone podium finish secure kori loise.
Dusra side te, Kajal – 2024 Cadet World Champion aru current U20 Asian Champion – women’s 72kg final te reach kori loise dui ta dominant win pichhete. Tai Bulgaria laga Emili Mihaylova Apostolova ke technical superiority dwara 15-4 harai dise aru Kyrgyzstan laga Kaiyrkul Sharshebaeva ke quarter-final te 7-0 shut out kori dise.
Etia tak, India laga medal count championships te paanchta hoise – ekta gold aru charita silver. Last saal Spain te world championships te India saatta medal loi ahise – ekta gold, ekta silver aru paanchta bronze. Jyoti Berwal women’s 76kg te ekla gold jiti thakise.
Add Comment