“Khelo India” Water Sports Festival Dal Lake te khotom hoishey

Srinagar, 23 August : Jammu & Kashmir te tin din laga “Khelo India Water Sports Festival” aji te Srinagar laga iconic Dal Lake te khotom hoise. Madhya Pradesh sob se uporte finish korise, 18 medal jiti kene, juntu majot 10 gold medal ase aru team championship bhi jiti kene medal tally te first position te finish korise. Itu majot tinta silver aru paanchta bronze medal bhi ase. Madhya Pradesh, juntu kalike sob 4 kayaking aru canoeing laga gold medal jiti thakise, aji last din te aru 6 gold medal add korise. Odisha aru Kerala, SAI training centre Jagatpur aru Alappuzha para benefit loi ase. Total 21 Khelo India athlete, sob rowing para, Khelo India Water Sports Festival te part lisishe. Teni khan 10 rowing event majot 2 gold medal, 2 silver aru 2 bronze medal jiti lisishe. Sports Authority of India aru J&K Sports Council milikina organise kora itu event, Jammu & Kashmir laga culture aru ecology celebrate koribo karone conceive kora hoise.