Kazakhstan, 25 August : Double Olympic medal jitithaka Indian shooter Manu Bhaker, aji Kazakhstan laga Shymkent te hoijai thaka Asian Shooting Championship te mahila 25m pistol competition te fourth place te finish korise. Bhaker 25 score korise, juntu Vietnam laga bronze medalist Thu Vinh Trinh laga 29 score para charta kom. China laga shooters Yueyue Zhang aru Jiaruixuan Xiao, gold aru silver medal loi lobo paraise.
Indian trio Bhaker, Esha aru Simranpreet Kaur Brar, team bronze medal jitise 1749 aggregate score logot, juntu China aru South Korea laga pichete finish korise. Esha mahila 25m pistol qualifications te top korise, Bhaker aru dui ta Chinese medallist Xiao aru Zhang laga agey te finish kori.
Bhaker, jun earlier tournament te mahila 10m air pistol individual aru team events duita te bronze medal jitithakise, women’s 25m pistol qualification round te precision stage pichete fourth place te thakise, aru Esha second thakise.
Add Comment