Canada, 25 August : India laga Sharvari Somnath Shende, 2025 World Youth Archery Championships Winnipeg, Canada te kali U18 mahila individual recurve gold medal jitise. 16 saal laga Shende, South Korea laga Kim Yewon ke ekta tense final match te 6-5 score te harai dise. Shende agey tin ta set pichete 4-1 agey te thakise, kintu Kim bal para wapas ahi match ke tie kori shoot-off te loi jaise.
Deciding shot te, Kim 9 score korise, kintu Shende ekta perfect 10 hit kori gold medal clinch korise. Shende ongoing tournament te dusra Indian mahila ase juntu gold jitise. Itu laga age Saturday din, Chikitha Taniparthi U21 mahila compound individual title jitise. Taike Korea laga Yerin Park ke compound U21 mahila gold medal match te 142-136 score te harai dise.
Add Comment