Cleveland, 25 August : Romania laga veteran Sorana Cirstea, Saturday din char saal pora agey WTA title jitise, American Ann Li ke 6-2, 6-4 score te haraikena Cleveland te trophy uthai dise. Cirstea, juntu foot surgery pora wapas ahibo nimite try korise aru ranking te 112 number te ase, qualifying pora ahise aru pura haafta ekta bhi set haranai, ekta confidence-building performance kori loi jaise US Open Sunday din shuru hobo laga age.
Cirstea late nerves thaka pichete bhi overcome korise, second set laga ninth game te Li laga serve te tin ta match point convert nakoripara pora, dui ta break point defend kori loi next game te nijor fifth match point te match close kori dise.
Tai nijor career laga third title claim korise, aru itu Istanbul te April 2021 pora agey title ase.
Add Comment