India laga Sift Kaur Samra, Asian Shooting Championships te gold loise

Kazakhstan, 26 August : Indian Olympian Sift Kaur Samra aji din Shymkent, Kazakhstan te hua laga 16th Asian Shooting Championships te mahila 50m rifle 3 positions event te individual gold medal jiti loise. Sift 459.2 score korina top te ulaise. Tai piche China laga Yujie Yang (458.8) aru Japan laga Misaki Nobata (448.2) thakise. Dusra Indian Ashi Chouksey, juntu individual eight-shooter final te thakise, 402.8 score loina seventh finish korise. Samra aru Ashi qualification round te second aru fifth place te finish kori thakise, kintu final te first aru fourth hisab te enter korise.