Rajgir, 30 August : Men’s Asia Cup Hockey Championship 2025 te, Malaysia defending champions Korea ke dangor surprise te 4-1 para haraidise, itu second match te, juntu duporiya Rajgir International Hockey Stadium te kheli hoisey.
Malaysia laga side para, Akhimullah Anuar tinita goal strike kori, hat-trick mark kori victory seal koridise, aru Ashran Hamsani ekta goal add koridise. Korea laga side, juntu panch bar title winner ase aru heavyweight hisab te dekha jai, itu match te weak dekha dise, aru sirf ekta goal he maribole parise, G. Jin laga goal.
Earlier, Pool-B laga aru ekta match te, Bangladesh Chinese Taipei ke 8-3 para pura domination te haraidise. Bangladesh players bisi dangor performance dikhai, aru penalty corner para 6 te 4 convert kori loise. Ashraful Islam, Rakibul Hasan aru Mohammad Abdullah duita-duita goal mark koridise team karone.
Kali, India aru Japan Pool-A laga match te mukabla kuribo, jun 3 baji shuru hobo.
Add Comment