New York, 1 September: Men’s Singles pre-quarterfinals te, Novak Djokovic Germany laga Jan-Lennard Struff ke 6-3, 6-3, 6-2 te haraikene, record dangor 64th Grand Slam quarterfinal te punchi ase.
Djokovic etiya sob major te quarterfinal punchi bole ekta saal te no. 9 bar hoise, aru itu pora Roger Federer ke cross kori dise, karon Federer laga record te sobse besi man or mahila Open era te thakise.
Dusra Singles match te, World No. 2 aru former champion Carlos Alcaraz Spain pora Frenchman Arthur Rinderknech ke 7-6, 6-3, 6-4 te haraikene quarterfinal te punchi ase.
Women’s Singles te, defending champion Belarus laga Aryna Sabalenka Spain laga Cristina Bucsa ke 6-1, 6-4 te haraikene last night Flushing Meadows te quarterfinal te punchi loise.
Dusra match te, World No. 4 seed Jessica Pegula, 2024 US Open runner-up, dusra bar bi quarterfinal te punchi loise, fellow American Ann Li ke 6-1, 6-2 te 54 minutes majot haraikene.
Agi te, men’s doubles te, India laga Yuki Bhambri aru New Zealand laga Michael Venus American pair Marcos Giron aru Learner Tien ke 2-0 straight sets te first round te haraikene jeet loise.
Dusra dangor result te, Indian duo Anirudh Chandrasekar aru Vijay Prashanth American 8th-seeded team Christian Harrison aru Evan King ke 2-1 majote haraikene upset kori dise. Itu laga win, taikan laga first Grand Slam jeet hoise, aru taikan laga tisra major appearance te paise.
Add Comment