Uzbekistan, 3 September: Chess te, prestigious FIDE Grand Swiss 2025 aji Samarkand, Uzbekistan te Silk Road EXPO te shuru hobo. September 15 tak cholibo, itu tournament duniya laga chess te ekta dangor aru important event ase.
Sab laga nazor India laga highest-rated player aru world number 4 R Praggnanandhaa te ase, juntu Open section te top seed hisab te khelibo. Tai logot dangor Indian squad te World Champion D Gukesh, Arjun Erigaisi aru defending champion Vidit Gujrathi ase. Excitement aru dangor hobo karone India laga Women’s Champion Divya Deshmukh bhi Open section te compete kori thaka karone headlines bonai ase.
Women’s section te India laga top hope hoise defending champion Vaishali Rameshbabu, juntu confidence aru strong form logot phiri ahise. Tai logot promising talents jiman Vantika Agrawal bhi ase. Global stars jiman Alireza Firouzja, Ian Nepomniachtchi, Anish Giri aru Nodirbek Abdusattorov bhi compete koribo, juntu karone itu ekta strongest Swiss event hobo.
Tournament te 172 players ase — 116 Open te aru 56 Women’s section te. Duita section pora top duita player 2026 Candidates Tournament te qualify koribo, juntu World Chess Championship te jabo karone dangor step ase. Itu event 11-round Swiss format te hobo. Prize pool Open section karone 625,000 US dollars aru Women’s section karone 230,000 US dollars fix kora ase. India laga players khan laga momentum aru talent logot, punhi duniya laga stage te chamkibo karone ready ase.
Add Comment