Los Angeles, September 3 – Mashoor rapper Cardi B bishi important court case ekta jeti loishe. California jury para tai laga laka opor te charges thaka khan sob hatai dishe, $24 million civil assault trial lak upor teh.
Etu Case toh 2018 te shuru hoishe. Etu toh ekta incident para Beverly Hills medical clinic the hoishe. Ekjun security guard, Emani Ellis, accuse kuri thakishe ki Cradi B tai laga face teh scratch kuri dishe aro thok (spit) mare deshe bhi kuri dishe. Etu toh Tai duijun muk laga lagi kuria time the hoishe. Ellis court teh koa toh, tai etu toh bishi ekta insult aro mental pain hoi jai she, etu karne tai compensation mangi thakishe.
Kintu jury bishi komti time teh etu allegations khan dismiss kuri dishe. Witness khan jintu doctor aro clinic stuff khan ase, tai khan para confirm kuri dishe ki Cardi B logote physical contact honai, khali muk laga lagi hai hoishe. Cardi B bhi koishe, Ellis tai laga privacy disturb kuri thakishe tai laga video banai kina, etu time teh Cradi B pregnant hoikina hospital teh thakishe.
Court bahar teh Cardi B(asol name toh Belcalis Marlenis Almanzar) eman mon aram hoikina koishe ki, “Moi innocent ase, moi etu celeb nohoi jintu aji apuni khan bhabi ase.” Tai aro warn kuri dishe ki future te jodi kunba false case file kuri le, tai counter sue kuri dibo.
Etu verdict Cardi B karne ekta dangor win hoishe, aro sat(7) sal laga case toh bon kuri dishe. Rapper laga image etiya toh bishi strong hobo, jintu coutroom drama para bhi dikdar nadibo etiya toh.
Add Comment