Bollywood laga mashoor franchise Student of the Year etiya nutun look loi kina ahibole ase. Etu bar toh film nohoi, kintu ekta web series hobole ase. Etu web series teh campus glamour, friendship, romance aro rivalry khan thakibole ase, aro etu web series toh etiya laga generation khan logo teh connect kuribole banai ase, bishi modern style teh bana bole ase.
Casting karne bishi khobor ahishe. Shanaya Kapoor confirm hoishe main role play kuribole, aro report hisap teh tai duita role play kuribole ase, etu toh tai laga character upor teh bhi aro exciting twist ekta ani bole ase. Tai logo te Alaya F bhi comfirm hoishe etu web series teh act kuribole aro tai bhi ekta important female lead hobole ase. Tai duijun milaikina nutun dynamic anibole ase, aro fans khan bhi bishi kushi hoi kina ase.
Kintu male lead etiya tak bhi confrim honai. Casting toh ekdam choli ase, alak alak bishi actor khan laga name consider kurina ase. Actor Tusharr Khanna bhi audition dishe aro tai ke serious consideration te rakhi kina ase. Report la hisap teh tai ekta possible canditate ase, kintu officially confirm honai.
Series laga director toh Reema Maya ase, manu tai ke modern aro edgy style karne jane. Maya laga vision toh franchise ke alak look ekta dibole mun jai ase. Pura glossy style toh side kuri kina, etiya toh etu franchise ke sharp, contemporary, aro aesthetic bana bole ase. Kintu Student of the Year laga jawan energy aro campus drama toh continue kuri thakibo.
Filming schedules khan bhi prepare kuri thakishe. Etu nutun web series toh style, drama, aro fresh talent khan sob ani bole ase. Fans khan karne etu ekta nutun exciting version hobole ase.
Add Comment