New Delhi, 4 September : Bollywood actress Shilpa aru tai laga husband Raj Kundra uporote 60 crore fraud case laga accuse hoise. Itu pichete, Wednesday din tai laga Bandra te thaka restaurant Bastian bhi bond kori dise.
Kintu etiya, actress duita notun opening Mumbai te launch koribo plan kori thakise, tai laga aim hoise “Bastian hospitality alive” rakhibole.
Shilpa Shetty sirf ekta good actress nohoi, kintu ekta good businesswoman bhi ase. Mumbai laga Bandra area te tai laga Bastian Hotel ase, juntu ekta famous restaurant ase. Bar bar celebrities aru VIPs dekha jai thakise. Kintu, 60 crore fraud case te fasina thaka karone Shilpa Shetty laga itu restaurant bond hoijabo kotha news ahi thakise.
Shilpa nijor Instagram te ekta video share korina ekta dangor announcement dise. Video laga shuru te tai phone call te koi thakise: “I am not closing Bastian, I promise.. ok bye.” Piche tai koi thakise: “Guys, 4,450 calls.. but ekta kotha ase ki moi Bastian karone laga love feel kori ase, kintu itu love toxic nakora yaar. Moi hosa kotha koi ase ki Bastian kotu najabo.”
Itu logot actress announce kori dise ki Bastian Bandra “Ammakai” hisab te reform hobo aru Juhu te notun branch Bastian Beach Club hobo.
Bujha bole, Shilpa Shetty 2016 saal te itu restaurant start kori thakise, aru etiya itu Mumbai laga ekta best restaurant banijai thakise. Actress laga project kotha koi dibo hole, tai etiya Superstar Dancer Season 5 Sony TV te judge kori thakise.
Add Comment