Historic Gold: India Men’s Compound Archery Team First Time World Champion ase

Gwangju[Korea], September 7 – India sport te ekta bishi dangor history banaishe, India men’s compound archery team first time gold medal jiti she World Archery Championships Gwangju te, South Korea te Sunday din. Team te ase Rishabh Yadav, Aman Saini aru Prathamesh Bhalchandra Fuge. Tai khan final match te France khan ke harai dishe score 235–233 te. Etu India karne dagor bara jaya, karon men’s compound category te India age time te world stage te gold pabo parana thakise. Match toh bishi tight hoishe. First round te India khan piche jabo lagishe score 57–59. Kintu second round te tai khan six perfect 10s maribo parishe  aru score equal hoijaishe 117–117. Third round te bhi equal thakishe 176–176. Last round te India khan bishi strong performance di dishe, score 59, aru France score hoise 57. Aru etu para India khan history banaidishe. Prathamesh Fuge, juntu 19th rank qualifier thakishe, last shot te perfect 10 mari kina India ke gold medal confirm kuri dishe. Coach Jiwanjot Singh Teja bhi important role play kurishe, karon match start karne shooting order change kuri diya, aru etu bishi modot kuri dishe team khan ke jiti bole. Earlier same din, Rishabh Yadav aru senior archer Jyothi Surekha Vennam bhi silver medal loi dishe mixed compound event te, Netherlands khan ke 155–157 para hari jaishe. Etu historic gold India karne ekta proud moment, aru future te archery sport India te aru strong hobole inspire kuri dishe.