Malayalam Superstar Mammootty aji 74 hoishe: Fans aru actors tai ke morom aru respect dikhai she

September 5 – Malayalam cinema superstar Mammootty, juntu ke bisi manu “Megastar” koi kina jane, aji 74 years hoishe Sunday, September 7, 2025. Tai laga birthday din te actor nijor social media te share kurishe ekta seaside picture aru likhi dishe, “Love and Thanks to All and The Almighty.” Etya bhi tai laga humble aru grateful nature karne, millions fans laga mon jiti ase. Kerala Chief Minister Pinarayi Vijayan tai ke birthday wish kurishe, aru koishe kiMammootty k ekta great actor hai nohoi, kintu society ke bhi bishi contribute kure. Actors jiman Nivin Pauly aru Manju Warrier bhi tai ke wish kurise, aru celebrate kurise tai laga five decades career, aru Malayalam cinema ke bisi strong banai dishe. Bigg Boss Malayalam 7 show te, Mohanlal, juntu tai laga long-time friend aru colleague ase, ekdom special tribute dishe. Mohanlal ekta shirt lagai kina thakishe juntu te Mammootty laga photos thakishe. Etu gesture fans khan bishi appreciate korishe, aru tai dui jon laga bond respect aru friendship clear korai dishe. Mammootty, juntu 1951 te janam hoishe Muhammad Kutty Panaparambil Ismail hisap te, more than 400 films kurishe  Malayalam aru onnya language te. Tai 3 National Film Awards, bishi Kerala State Awards aru Padma Shri award pai kina ase. 74 bosor age te bhi, tai laga energy komti nohoi. Tai upcoming thriller film Kalamkaval bishi fans eagerly wait korhi ase. Tai laga 74th birthday ekta reminder ase—Mammootty kebole ekta superstar nohoi, tai ekta legend ase Indian cinema nijor laga nam banai dishe.