Mumbai, 8 September : American rapper aru music producer Wiz Khalifa India te November te third time perform kuriboleh ahibo. Grammy-nominated rapper itu bar Mumbai te November 22 te hobo inaugural Rolling Loud India laga opening day te headline kuribo.
Wiz UK laga sensation Central Cee logot stage share kuribo, juntu recently Drake logot “Which One” collab kurikena chart dominate kurisey. Duita bhi festival laga Day 1 te headline kuribo, aru Wiz “Black and Yellow,” “See You Again,” aru “Young, Wild & Free” nisina laga hit song khan India laga fan khanke perform kuribo. Olop lineup te DaBaby, Swae Lee, Hanumankind, Denzel Curry, Gurinder Gill, aru Meba Ofilia bhi join kuribo.
Day 2 (November 23) Punjabi artist Karan Aujla karone ekta dangor milestone hobo. Taike logot Don Toliver bhi perform kuribo, “No Idea,” “Lemonade,” aru “Private Landing” nisina track khan loi. Mumbai-based rapper DIVINE bhi stage te ahibo aru ta laga notun album Walking on Water first time live perform kuribo. Olop lineup te NAV, Sheck Wes, Ski Mask The Slump God, Westside Gunn aru ekta international aru homegrown artist khan bhi thakibo.
Add Comment