September 08, 2025, 06:14 PM: Logistic khan laga support aru initiative logotey, Yingli Keikung, PLV Longleng District Legal Services Authority (LDLSA) para itu Phomla Hoichem logotey collaborate kuri kena, ekta fellowship programme-cum-awareness organize kurishey, Drugs Awareness aru Wellness Navigation (DAWN) Scheme 2025 under tey, itu Jail Inmate khan logotey, District Jail, Longleng tey, 7th September, 2025 tey.
Itu program ke chair kuri kena, Retainer Lawyer (LDLSA), Panglang Y. Phom para tai laga bhabana share kurishey, aru koishey ki itu fellowship cum awareness program toh hoiley spiritual growth, rehabilitation aru community engagement promote kuriboley aim kuria laga asey, itu jail inmate khan logotey. Tai para itu bhi appraise kurishey itu jail inmate khan logotey, itu DAWN Scheme opor tey, tai khan laga awareness nimitey.
Drug khan aru intoxicant khan para hoa biya effect khan opor tey ekta message deliver kuri kena, Phomla Hoichem laga President – Ainyu Phom para strategy khan share kurishey, itu supply aru demand chain toh control kuriboley drugs laga. Itu secretary (LDLSA), Kumdilong Kessen, (NJS) para toh hoiley tai laga sincere appreciation aru gratitude janaishey, itu Phomla Hoichem ke, itu initiative nimitey aru aru-bhi collaborate kuriboley nimitey request kurishey, teach skill-based activity khan karney, itu jail inmate khan karney. Ekta bhal hoijawa addict aru convict para testimony share kurishey, kotey tai para tatey laga caidi khan ke challenge kurishey addiction toh rukaboley nijey logotey aru rehabilitation aru spiritual support bisariboley, nijey logotey, ekta positive budli aniboley nimitey.
Add Comment