Abu Dhabi, 10 September : Asia Cup cricket tournament laga opening match te, Afghanistan ekta dangor 94-run laga jeet register korise Hong Kong logot Abu Dhabi te kaali rati te
Afghanistan batting choose kori kene, 20 overs te 188/6 run score korise. Itu te Sediqullah Atal 73 run maarise aru Azmatullah Omarzai 20 ball te half-century (50 run) banaise. Itu hoise Afghanistan laga fastest T20I fifty.
Reply te, Hong Kong 20 overs te matra 94 run banai pare 9 wicket harai kene. Babar Hayat sabse besi run maarise, 39 run.
Itiya Group B laga opening match hoise, juntu group te Sri Lanka aru Bangladesh bhi ase. Group te laga top duita team Super Four stage te jabo.
India team itu din Dubai International Cricket Stadium te Group A laga match te hosts UAE logot nijor campaign shuru koribo.
Add Comment