New Delhi, September 10 – Jolly LLB 3 laga trailer Tuesday, September 10 te release hoi jaishe aru fans khan majote bishi excitement hoishe. Etu movie Subhash Kapoor laga direction te ase aru third part hobo. Trailer te duita famous lawyer — Akshay Kumar aru Arshad Warsi — duijon bhi “Jolly” nam dhuri kina lawyer laga role play kuribo, aru court majote dangor fight dikhaise.
Three-minute trailer te dikhai she ekta funny aru intense coutroom scene kute duijon Jollys bhi argue kurishe nijor ke asli Jolly ase koikina prove kuribole try kore. Judge role te Saurabh Shukla wapas ahi ase, aru tai laga expression bishi interesting lagishe. Movie te ekta social issue bhi cover kori ase — farmers aru politicians laga land dispute, juntu comedy majote serious message bhi dibo.
Etu movie te aru alak actors khan bhi ase — Huma Qureshi, Amrita Rao, Gajraj Rao, Seema Biswas, Ram Kapoor, Boman Irani aru Annu Kapoor. Gajraj Rao laga role fans khan bishi pasand kori ase, kintu takara villain vibe dikhaishe.
Social media platform X (formely Twitter) te trailer dekhaishe aru reactions toh positive thakishe. Viewers khan para trailer toh “paisa vasool” ase koinkina describe kurishe aru praise bhi kurisher, drama aru social message karne movie. Bishi manu Akshay kumar aru Arshad Warsi’s laga chemistry sai kina kushi paishe.Kunba manu koishe, “Humor, drama, aru social message milaike full entertainment ase.”
Jolly LLB 3 September 19, 2025 te theatre te release hobo. Kunba legal problem bhi hoithakishe, kintu court approve kuridishe. Etu film toh ekta highly awaited Bollywood release hobo.
Add Comment