September 10, 2025, 06:58 PM: District Water aru Sanitation Mission (DWSM) Committee Kiphire opor tey meeting loishey, itu Deputy Commissioner Kiphire laga Office Chamber tey para, 09th September, 2025 tey.
Itu program ke chair kuri kena, itu Deputy Commissioner & Chairman, DWSM, Temsuwati Longkumer NCS, Kiphire para itu sob DWSM Committee member khan ke welcome kurishey, alag alag department khan para, itu meeting tey. DC para koishey ki, Kiphire toh hoiley ekta Aspirational District thaki kena, bishi project khan/ scheme khan toh hoiley Centre para provide kurey.
Itu nimitey tai para member khan ke transparency maintain kuriboley urge kurishey, dedication logotey, itu scheme khan aru project khan implement kuria tey, alag alag department khan tey.
Itu meeting tey asol 8 point khan opor tey kotha kuria toh hoiley : –
- Jal Jeevan Mission (JJM) laga chuli thaka programme laga progress review kurishey, household tap connection khan, Coverage aru functional status tey.
- Planning & Implementing Issue khan opor tey kotha kurishey.
- Quality & Sustainability
- Capacity Building & IEC
- Operation & Maintenance (O&M)
- Finance aru Fund Utilization
- Monitoring & Evaluation
- Special Issue khan opor tey kotha kurishey.
DC & Chairman DWSM Kiphire para itu Public Health Engineering Department (PHED) aru Kiphire Town Ward Chairman ke remind kurishey, locate kuriboley aru saboley karney, itu natural sufficient sources khan toh, pani laga, nodi aru lake khan tey, itu next meeting tey report kuriboley.
Add Comment