September 16, 2025 : Itu Dimapur Police laga Commissioner para ekta traffic advisory issue kurishey, inform kuri kena ki, itu NH-29 laga affect hoi kena thaka Chathe-Tsiedzuku (Paglapahar), kuntu you hoiley mudslide aru landslide hoa para bon kuri diya laga thakishey, September 14 tey, utu toh hoiley olop para aru-bhi khuli di kena asey.
Light Motor Vehicle (LMV) toh hoiley itu single lane raasta tey para jaboley diboley asey, restrict thaka traffic logotey, September 15 para shuru kurishey.
Heavy Motor Vehicle (HVM) khan, choita chakka khab bhi milai kena 08:00 AM para jaboley diboley asey, September 16 para.
Eneka thakilebi, authority para husiyar janaishey, ki, judi heavy para pani khan gira shuru hoi jaishey koiley, itu affect hoi kena thaka raasta tey, itu toh aru bhi bon kuriboley lagijabo, manu laga safety rakhiboley karney.
Ekta safety advisory issue kuri kena, itu police para public khan ke misa mishi para rukhiboley laga manna kuri kena asey, itu raasta tey para gari chulai kena jawa homoi tey, especially pani gira laga homoi tey. Itu bypass laga raasta toh hoiley, New Chumoukedima para Old Chumoukedima aru eneka raasta khan toh khula thakiboley asey, traffic bhorta thaka khan nimitey.
Add Comment