Wednesday, September 17 – Film dunia etiya bishi dukh te ase karon toh Robert Redford, ekjon legendary actor, director aru Sundance Institute founder, 89 sal te tai laga ghor Utah te mori kina thakishe. Redford laga iconic role Butch Cassidy and the Sundance Kid, The Sting, Out of Africa aru All the President’s Men film khan karone manu tai ke jani na thakishe. Tai khali ekta famous actor hai nohoi, kintu tai ekta pioneer thakishe Sundance Film Festival dvara independent cinema promote kore upor te aru etu karone bhi bishi memorable hoishe.
Tribute khan Hollywood aru Bollywood para ahishe, juntu dekhai dishe tai laga global impact. Leonardo DiCaprio taike “actor, activist, passionate environmentalist, aru champion of the arts” buli yaad kurishe, aru koishe tai laga contribution generations khan ke inspire kuri jabo.
India para Anil Kapoor tai laga screen presence aru modern cinema ke shape kuri thaka role ke appreciate kurishe, aru koishe ki tai laga legacy “etched in history aru inimitable”ase. Kareena Kapoor Khan bhi ekta heartfelt tribute dishe, Redford laga ek quote storytelling upor te share kuri she. Priyanka Chopra tai ke “Icon” koi kina matishe , juntu respect tai laga upor te bishi clear kuri dishe.
Hollywood star khan Demi Moore, Mark Ruffalo, Julianne Moore, Ethan Hawke aru Scarlett Johansson bhi Redford laga kindness aru support ke yaad kurishe. Director Francis Ford Coppola bhi tai laga visionary ke praise kurishe, karon Sundance para countless filmmaker khan ke first platform dishe.
Robert Redford laga death ekta era end kuri dishe, kintu tai laga influence cinema aru culture te hodai alive thakibo.
Add Comment