Mumbai, 18 September : Vyjayanthi Movies, Kalki 2898 AD laga maker khan Thursday din ekta dangor khobor announce korise ki actor Deepika Padukone sequel te part nathakibo. Deepika, juntu 2023 te release hua film te Sumati laga role play korise, itu film laga ekta lead actor thakise. Tai laga exit announcement korina dangor fans khan biya paise, aru question uthaisey ki keneka tai laga upor te ‘commitment’ laga accuse kuri comment korise.
Kalki 2898 AD te Deepika, lead actor Prabhas, Amitabh Bachchan aru Disha Patani laga logot star korise. Itu film te tai laga performance critics aru fans khan praise korise.
Deepika last time dekhapara film hoise Singham Again, jun Rohit Shetty handle korise. Itu film te Ranveer, Kareena Kapoor, Ajay Devgn, Akshay Kumar aru Tiger Shroff bhi thakise. Itu film jaa saal theatre te release hoise. Recently, Deepika announce korise female lead hisab te ekta sci-fi film Atlee laga direction te, Allu Arjun logot act kori bole. Itu film Sun Pictures produce korise, aru tentatively title dise AA22 x A6.
Add Comment