Agencies:Rohit Sharma toh ekla para ekso opor runs mara toh eku matlab huwa nai kitiya India toh series laga first match toh 34 runs para harishe. India toh Australia logote first one day Indternational harishe. India aro Australia majote first one-day International match toh Sydney Australia te hoishe. Sharma toh 129 balls para 133 runs banabole parishe. Etu toh tai laga 22nd ODI hundred thakishe. Hoile bhi etu toh khali India ke haribole laga margin toh ke kom kuri dibole parishe. India toh 254 for nine te game toh khotom kurishe. India laga chasing target toh 289 runs thakishe.
India laga top charta batsmen toh double digit pungchabole para nai. Aro tai khan toh kunu-rukum 11 balls tok he thakibole parishe. Sharma toh dosta fours aro aro choita sixes para tai laga hundred punchibole parishe. Sharma toh Sourav Ganguly laga 22 ODI Centuries record punchabole parishe aro tai etiya Sachin Tendulkar (49) aro Virat Kohli (38) laga pichete ase.
India khan toh bishi biya situation te thakishe kitiya tai khan single digit four runs score te he teenta batsmen out hoishe. Etu pichete Sharma aro Mahendra Singh Dhoni melai kena 137-run banaishe.
Debutant Jason Behrendorff para Dhoni ke out kuri kena Sharma aro Dhoni laga partnership biya kuri dishe. Dhoni toh only fifth batsman ase kun ODI cricket te 10,000 runs complete kurishe. Dhoni toh 96th ball te out hoishe.
Tendulkar, Ganguly, Rahul Dravid aro Kohli toh dusra batsmen asse kun etu feat achieve kurishe. Hosts khan toh teenta mach series te India opor te 1-0 lead kuri ase.
Add Comment